معانات العريس يوم الخميس

معانات العريس يوم الخميس
لاحظتوا ان مواضيع الاعراس دايما مركزة على العروس:
على ملابسها ، على مكياجها على صحتها ، على اعصابها و.و.و...,,, متريحة امورها عال العال
ولكن العريس المسكين اللي ساعدة طايح مافيش واحد مدورة الا لما ينقصن عليهم الفلوس يمشي عليه العرس من غير ما يتبننه والعرس كوم ويوم الخميس كوم ..
شوفوا شن بيصير يوم الخميس
يوم الخميس لازم العريس ينوض بدري اشوية هدا ادا جاه نوم اصلا طبعا انت بتكون تاعب هلبة في العرس هات وقل وهدا كله علي حسابك يامسكين ..عموما قلنا نوض بدري رتب حوايجك ..ملابسك البدلة والقرواطة والكندرة والشخشير ومعجون الاسنان والصوابين ياخوتي كثرو من الصوابين والروائح راهوا الواحد منا في العرس يبدا شكله تقول كاين في الحبس ؟؟؟؟طبعا العراسة يراجوا فيك غير امتا يتوض بيخطفوه والله الا زي الضباع اللي بيفترسن فريسة طبعا بينقلوك الي مكان الله وحده يعلم بيه يبدو متفاهمين عليه من شهر من غير مايقولو ا عليه لواحد سر دفين وهدي الحاجة الوحيدة اللي يعرفوا يدسوها....عموما يا عريسنا روق بالك انت السلطان عادك انت الكل في الكل بيجيبولك توا عادك الحلاق بالتوصية ...ويبدي الحلاق في الحلاقة مافيش الشعرة اللي قدامة بيمسحها تقول شيفان في الشعر وهداك البخار اللي منعرفوشي لا يوم الدخلة ...طبعا الجماعة طايحيلها شواء وتخمخيم املا كيف عراسة حتي هما ...النهار بدا يقصر والليل بدي يتقرب العريس طبعا جوا عادي يراجي في المغرب امتي يدن ...طبعا يلبسوه العراسة الدبش امتعه ويصبي قدام المراية يشوف في روحه ..والله الا ولا وصار مني هدا اني يسأل في نفسه طبعا ..الجماعة توا عبوها اشواء ومكسرات طبعا جايبينهن للعريس اللي مش حيحصل منهن الا الفضلة ...ويبدوا يعلقوا عليه الجماعة منور ياعريس تقدرها ياسلطان ..وهو عمك السلطان وين تحطك ياروحي معنويات مرتفعة وجو مش عادي لانين يتصلوا بيهم ويقولولهم جيبوه ....الراجل وجه يتغير الوان الوان وين المعنويات والجو السمح الراجل تضربا بموس ماطلعش منه نقطة دم وجه متحنقط وخايف ياغبيني رجليه يرعشن والله ماتقول الا رافعينا لااعدام ....يوصل الي الحوش ويلقي الناس تراجي فيه يزيد مسكين ويبدي معاش يفرز حد خلاص العريس راح فيها |؟؟||؟|؟
لحد هنا وخلاص هههههههه